Pages

Friday, February 29, 2008

Leap of Faith

二月廿九日, 英文叫作Leap Day.

Leap, 我則聯想到Leap of Faith. 這個世代, 還有什麼比Faith更重要?

你今日跳咗未呀?

靚相推介: Leap Day (十七張)



PARIS—During the 100th anniversary of the Eiffel Tower, 1989.
© Elliott Erwitt / Magnum PhotosUNITED STATES—Dancer/choreographers Martha Graham and Merce Cunningham, 1948.
© Philippe Halsman / Magnum Photos

蝴蝶與花

蝴蝶和花都美, 都互相吸引.

花的角色是靜靜地待在那裡, 繼續燦爛嫵媚.

蝴蝶的角色卻是偶而來一訪, 為了採蜜? 為了爭艷鬥麗? 不, 就只為一訪吧.

Juno 少女孕記

週末本想看的電影有The Bucket List , P.S. I Love You, 亦曾考慮There Will Be Blood. 最後在時間及心情的影響下, 揀了"Juno". 

之前都聞說電影受歡迎, 亦知道它是今屆奧斯卡最佳電影候選之一, 而女主角Ellen Page更是最佳女主角候選人. 有一點期望, 沒有失望, 不過不能說它是最佳電影的級數.

喜歡整齣電影都以年青人的POV來描寫, 或許因為剛嬴了最佳劇本的Diablo Cody真的還頗年輕, 今年才三十歲, 描寫美國中學生的心態及性格都很到肉, 很觸動到觀眾. 當然不少得的是一大堆富幽默的對白了.

近年少了看這類青春電影, 有點接近的有我非常喜歡的"Little Miss Sunshine", 不想把此兩片作比較, 況且小小姐精彩多倍.
電影的配樂及多首插曲都值得留意, 歌詞都令人會心微笑.

例如這首Anyone Else But You:
" You're a part time lover and a full time friend
The monkey on your back is the latest trend"

還有Velvet Underground的"I'm Sticking with You":
" I'm sticking with you
'Cos I'm made out of glue
Anything that you might do
I'm gonna do too"

很有青春氣息, 又帶點可愛瀾漫.演員都有不錯的演出. 難怪Ellen Page可以與一眾巨星爭奪最佳女主角的機會, 才二十出頭.

喜歡Juno(Ellen Page)與好友一起向父親及繼母交代有了身孕的一幕, 既真又攪笑. 另外繼母替Juno在超聲波技術人員面前出一口氣一幕也很不錯.

其實電影都想帶出一個訊息, 就是鼓勵年輕人, 萬一攪大咗都要承擔責任, 事情並非一定如想像中壞吧.

Rotten Tomatoes有強勁的93%!

IMDB連結

得閒影張相: 是日晚餐

上次與七友晚飯, 有人說我一時又蘭桂芳high tea, 一時又酒店, 一時又蘇豪... 又叫我不要那麼大洗. 大花筒, 我不算吧. 因為她們也像大家, 常在我blog上看到許多美食, 我說, 當然是特別才貼上來嘛, 難度大孖樂又貼上來, 街頭燒賣又貼上來麼.

其實我也吃快餐和便宜實惠的小吃的, 只是沒有都拍照放上來吧.

是夜"無飯開", 去了美心買晚餐, 想了一會揀了這個韓式豬肉定食(連炒烏冬), 有泡菜又有人蔘雞湯, 才不過四十多. 另要多一杯紅棗桂圓茶.

人蔘雞湯頗味美, 豬肉飯的翠肉瓜不知是否有問題, 很苦. 豬肉飯及烏冬勉強合格.

紅棗桂圓茶, 因為掛住看"Medium", 涼了一點, 還可以.








真沒想到, 未寫這篇時, 去了鄰博一會, 驚見竟然都是快餐文! 比"Medium"更離奇!

Thursday, February 28, 2008

戀人們的自我發現

行為莫名地改變

忽然添購內衣

忽然愛上香口膠

一個電話也可以高興一整天

數算沒有相見的日子

夢中也見到對方

又或...

當你發現你的愛人忽然有以上突變, 是要有心理準備的時候了...

惡老闆

大家遇過最辣的店舖老闆是怎樣的? 類似趕客的那種呢. 相信他們都是"唔志在"的店東兼店舖的業主才可以如此惡死.

想說的是一間位於銅鑼灣利園山道Krispy Kreme鈄對面左近的一間小型芭蕾舞襪及舞衣店. 我從未光顧過, 因為一向只光顧芭蕾舞用品店, 都是樓上舖的, 一般習舞的都會去的那數間店舖. 而這間惡死老闆開的小店, 去買都是因為相信價錢較便宜, 又方便, 營業時間又長.

路過數次去問想買的物品, 都得到惡死對待. 他們是不會讓客人走進店內看的. 你要什麼就站在店舖前問吧, 問多一句都被鬧.

多次了, 每一次我都放棄, 問吓啫, 洗死咩!

今天下午去了公司附近一家芭蕾舞專門店買了數件衣物, 卻忘了要添購芭蕾襪, 於是下課後跑去問, 挑戰這對惡夫婦. 果然厲害!

我: 想問有無Capezio芭蕾襪, 白色或粉紅色?

惡婦在收拾店門外的物品準備關店, 斜視了我一下: 咩?

我: 厚身芭蕾襪, 白色或粉紅色, 有無Capezio?

惡婦: 厚身芭蕾襪就有, 無你講個牌子 (咁即係唔係專門店囉... Capezio都無!)

我: 咁厚身啦, 咩牌子都得 (應該平好多啦)

惡婦對其沒有表情的老公說: 攞對XXXX....

老伯遞了一個包裝細小的白色芭蕾襪給我, 外面寫上日語, 沒有寫size...

我: 啱架啦?

惡婦: 我地唔會拎啲唔啱嘅嘢出嚟俾人嘅!

我: 無, 咁我諗我咁大件驚唔啱啫...

惡婦: 人地啲模特兒嚟買都係咁, 唔啱攞番嚟!

趕客程度有9.9囉! 不過對襪真係抵, $38, 剛試過, 質地又確係幾好...

Wednesday, February 27, 2008

唔同命

是晚跳舞課後, 一日本同學說要和老師說再見, 因為她要去上海生活, 沒有機會再來上課了.

一會見到她, 兩眼紅紅的, 用紙巾拭淚. 大家都問她詳情. 原來她要跟丈夫到上海, 一個她從未生活過, 又一個朋友也沒有的地方. 她捨不得老師和芭蕾舞課.

在電梯間, 我對她說, 上海也有芭蕾舞課上吧. 她點頭.

然後我想, 許多人都真的嫁雞隨雞, 要跑去遠一遠也欣然接受. 她們都很勇敢. 又或, 他們夫妻關係都好得要命.

很難想像我可以為一個人而離開自已喜歡的地方, 所有家人都在的地方.

我應該沒有機會再在課上見到這位同學, 臨走時, 我對她說: Have a happy life in Shanghai!

得閒影張相: 午間出走

工作間不順心, 當然想出去走走透啖氣. 一向懂得氹自己嘛.

本想去看看芭蕾舞衣(其實星期六才買了一件滿意得不得了的). 最後試了都不合身.

出走時拍了數張相片.

















然後逛了一圈. 下午茶時段去了吃午餐. $48一個雞肉拉麵加咖啡/茶. 拉麵一般, 咖啡很不錯.









臨回辦公室前又買了一本舞蹈雜誌. 心情頓然豁然了一點.

看了雜誌裡的舞者, 叫自己一定要減八磅!

Tuesday, February 26, 2008

唔啱用

前兩天去購買洗頭水, 路經CWB的Origins地舖, 於是進去看看. 問售貨員哪隻適合曲髮用. 她介紹了這隻薑味的, 說用後頭髮不會"疊埋哂", 我問夠潤嗎, 她說如果想潤一點的可買桃味的護髮素. 不過我最後決定洗頭水和護髮素都要這個薑味的.
很喜歡它的香味, 很舒服.

但問題是, 我髮質屬乾性, 用了頭髮脆得不能相信... 心想, 頭髮會斷嗎??!?!?!?

雖然價錢一點也不昂貴, 只是$125一支左右, 但現在怎好呢? 轉贈?

人善被人...

兩張更勝千言萬語

有人教我要學到皮笑肉不笑... 點呀, 打份工啫!
今日講咗好多粗口...

Monday, February 25, 2008

我不是個電話人

從不喜歡傾電話. 多次被朋友投訴: 洗唔洗趕住收線呀?

除了留學那數年會多一點傾電話, 尤其長途電話外, 很少會見我煲電話粥.

看一看自己的手機記錄, 便一目瞭然.

Total dialled calls: 05:40:29
Total received calls: 12:52:44

這是自06年十月左右開始用這部手機計算. 看來都是人家打給我居多.

不過我卻可以在msn/電郵上滔滔不絕.

兩句

我不是個好情人. 雖然我懂得什麼人需要什麼. 什麼時候要說什麼話.

友人說看我的blog, 和現實中的我很不同. 我說, 或許每個人都有許多個自己吧. 有時看看自己寫的東西, 都會想: 怎麼那個時候的我會寫那種文字?

就當他們是條鯨吧

Newsweek一文章: "Training a Husband", 提到一本書, 名為"What Shamu Taught Me About Life, Love and Marriage"(作者Amy Sutherland), 說到想改變配偶的行為, 有時就要把對方視作一隻鯨魚一樣看待:

Sit, Beg, Roll Over, Stay

哈, 就這麼簡單?

文中提到, 動物訓練員都慣用一些技巧來馴服牠們:
‧Reward positive behavior (就如當他不用要求也懂拾起一條污糟襪時, 應該多多稱讚他)
‧Ignore negatives (堆放在衣物間的髒亂衣服最好當看不見... 訓練員說這個是Least Reinforcing Scenario)
‧Don't take it personally (污糟衫就是污糟衫, 它們不代表你的配偶愛你的多寡又或他有多重視你們的婚姻)

不喜歡二月二十五日.

當一年復一年, 開始要用手指數算過了多載時, 感覺是既麻木又不懂形容.

九年了. 爸, 你走了己經九年. 我們仍常念你.

Sunday, February 24, 2008

兩段

其實想說"不許人間見白頭", 不過我不是美人. 只是, 今天在某大廈電梯中看到鏡子裡自己的模樣, 忽然想, 他日老了面皮是不是一定會墜下來? 很害怕.

其實不太長命也是好的. 起碼沒有機會見到自己又老又醜的樣子.

今天看了藝術節中一個話劇. American Repertory Theatre的Orpheus X. 感覺不錯, 很New York. 不過一個場景到尾, 著重對白及歌唱, 未必人人喜歡.

經理人John對Orpheus說: She is just a figure in a landscape... half a minute of your life... you are not in love with her... 覺得他根本不可能就這樣愛上一個素不相識的女子. (Orpheus乘坐的的士撞死了Eurydice)

喜歡這個故事.

我們一生中或許都遇到許多個只出現半分鐘(或短暫)的人... 而他/她們卻可能對自己影響深遠.

呢咁hea

為咗佢, 今日呢哂hea!

琴晚揀戲揀到朝早6:00. 然後11:00am起身諗住上網訂飛... 然後趕住12:00左右出門口. 不過我都真係太睇得起個online booking system... 一個鐘內有乜可能可以成功攪掂, 另自己又可以出到門口吖...

入到個網enter哂所有想訂嘅電影... 一click, 乜原來係購票通咩今年???? 我個cityline password無用N年... retrieve出現問題... 想開個新account, 又唔知咩事攪唔到... 先前入嘅數十個film code無哂!!!!! 一拖再拖, 我唔想再磋跎喺個白癡site度... 於是臨崖勒馬, 熄咗部腦決定撲出街先!

於是將本booking folder, 兩個信封, 幾張草擬好嘅film list, 成堆放入個跳舞袋度, 飛身撲出去, 呀, 仲有去七仔買郵票... 時為12:45pm... 我好似1:00pm上堂囉...

既然要過海, 文化中心同大會堂, 我揀咗飛的去文化... 百多元... 多謝HKIFF... 好多年無試過親身去交form, 多年來唔係郵購就online, 未試過出事... 雖則上年好多人投訴, 我都算好彩嗰堆.

去到文化, 詢問處有兩位小姐, 非常仁慈. 相信佢地今日都見唔少狼狽影迷嘅樣...

"想請問交電影節嗰啲form係邊度?"

"呢度得架啦"

"好! 我宜家整理吓先!" 車程上成功填好form, 七七八八. 枱頭再細check... 真係呢咁hea. 然後見一男子遞form. 個職員一收到佢個信封就用個機打個時間上去, 好pro呀!!! (因為訂唔訂到飛都係睇你幾點交form... 先後有分)

成功交form... 希望工作人員睇到我啲字啦... 亦希望我無填錯嘢!

然後再打的去上堂... 今日午餐係四塊麥維他消化餅... 車上食. 打的去上堂再用七十多... 兩程夾埋兩舊水, 肉都痛埋! 另又喺車上再打去快達票訂埋會展幾場... phew!

同埋我堂yoga stretch遲咗大半堂囉! :(

揀咗咩電影? 今年真係癲... 唔想揀太多... 但揀完又篩選, 最後都破天荒地訂咗三十七套... 亦打算攞八日假去舒舒服服咁睇... 老細未批架, 當得咋... 廿日睇三十七齣, 無一日係唔洗睇... 我有無力呢其實???

My picks:

Galas 首映禮
Shall We Kiss? 吻下來, 豁出去
Gloss: The Director's Cut 超模夢

Gala Presentation 影迷嘉年華
The Home Song Stories 意
The Counterfeiters 偽術大師
Angel 華麗安琪兒
Once 一奏傾情
And When Did You Last See Your Father? 可曾記起父親
Before the Devil Knows You're Dead 賊兄弟連環劫
(I'm Not There, Into the Wild及Redacted最後決定唔睇住, 因為太多, 遲啲即使唔上都買到碟... )

Master Class 大師級
Nightwatching 林布蘭的夜巡
The Romance of Astrea and Celadon 牧羊人之戀
One Hundred Nails 一百口書釘
Elegy of Life 生命輓歌: 古典二重奏
It's a Free World 假自由之名
The Wind that Shakes the Barley 風吹麥動
Encounters at the End of the World 冰中漫行

Auteurs 作者風
My Winnipeg 故城風雪行
The Last Mistress 慾孽巴黎
You, the Living 人啊, 你為什麼
A Thousand Years of Good Prayers 千年善禱

Independent Blues 自主黑白道
Paranoid Park 迷幻公園

Indie Power 自主新潮
Shanghai Trance 迷樂上海

Global Vision 世界視野
The Tracey Fragments 翠絲的碎片人生
Erik Nietzsche the Early Years 少年尼采讀電影
Beneath the Rooftops of Paris 巴黎屋簷下
My Brother is an Only Child 紅與黑
In the City of Sylvia 尋她千百度

Israeli Cinema 以色列新形勢
The Band's Visit 警察樂隊來訪時
The Secrets 密禱

Czech Cinema 捷克青春夢
I Served the King of England 英皇御准: 侍應回憶
Loners 迷失的波希米亞

Midnight Heat 我愛午夜長
The Story of Richard O.

Filmmakers and Filmmaking 影人影事
Lynch 大衛連治
Man of Cinema: Pierre Rissient 影展玩家
Spielberg on Spielberg 史匹堡話史匹堡

Reality Bites 真的假不了
GLASS: A Portrait of Philip in Twelve Parts 格拉斯十二樂章
Lagerfeld Confidential Lagerfeld機密檔案
Zoo 戀馬人

Saturday, February 23, 2008

得閒影張相: 運吉

決定開個題目叫得閒影張相. 以後都會得閒post張相, 睇相好過睇文嘛...

點解有咁大袋吉? 係清潔嬸嬸交俾我, 話我個舊同事叫佢拎俾佢... 叫我轉交舊同事. 於是我放響枱底, 等舊同事上嚟攞.

佢要咁多吉嚟做乜? 睇怕要嚟浸鹹柑桔卦...

另一經典同事更誇! 事源琴日新十五, 佢收到屋企電話, 叫佢攞啲吉仔返去. 佢話: "吓, 哦, 我一陣去後樓梯搵吓啦... "

之後佢真係走去後樓梯搵, 不果.

返埋位, 打去樓下management... "喂, 我想問呢, 你哋嗰啲一盆盆吉丟哂啦? ... 哦, 無, 諗住扎番啲返去啫... 咁快丟哂啦? 咁算啦... 唔該... "

兩同事聽到都想笑, 我當聽唔到... 佢哋問佢要嚟做乜. "返去浸鹹柑桔嘛! 舊年攞咗好多返去!"

精彩嘛?! 我公司好多奇人奇事.

Friday, February 22, 2008

我竟然係復活節?


You Are Easter


You are an optimistic, hopeful, and genuinely sweet person.

Sensitive and affectionate, you are easily touched.

You love nature, animals, and anything cute or cuddly.

For you, every day is a new chance - no matter what happened yesterday.

What makes you celebrate: Almost anything. You love most holidays and celebrations.

At holiday get togethers, you do best as: The peacemaker. You can prevent any squabbles that might break out.

On a holiday, you're the one most likely to: Remember to include everyone

Onegin 奧尼金

今年的香港藝術節, 第一個看的表演就是德國Stuttgart Ballet的Onegin.

不認識Onegin的故事, 原來是俄羅斯的經典. 一個愛情故事, 也是一個悲劇.

女喜歡男的, 又寫情信又表愛意卻得不到美男的垂青. 男的是個浪子, 殺了好友, 多年後回來, 發現女孩已為人婦, 希望得到美人歸卻被拒絕.

簡單一點, 就是風水輪流轉的愛情故事吧. 又或, timing... 愛情都是時間上的配合嘛. 往往都是你喜歡他多一點, 若干日子後, 他卻喜歡你多一點.

苦苦痴纏卻未能令對方心動. 到他心動了, 那份痴戀愛慕早已煙消雲散.

舞蹈表演方面, 群舞較多, 較少個人發揮的機會. 亦重劇情.

服飾都不錯, 喜歡佈景的色調及舞衣的配襯.

不過沒有高難度又或令人拍案叫絕的地方. 有些微失望.

很喜歡Onegin和Olga共舞那一幕, 有點嬉戲, 活潑有趣. 由於群舞較多, 視覺上都較著重群舞時的效果.

失望是男女主角Onegin及Tatiana都沒有太多發揮機會.

Thursday, February 21, 2008

七友團拜

百樂潮州酒家的反沙芋

新十四才終於與好友們團年/團拜. 又為了要遷就"老闆"星期三才有時間出來吃飯, 於是有人不去上跳舞課(咪我囉!), 有人不上gym, 有人未病癒, 而我更要晚飯後趕回家和公司來個conference call...

短短兩小時左右的飯聚, 雖然大家都有講有笑, 不過言談間都感到大家很累, 身心俱疲. 今天的主題是: 打工可唔可以打到五十幾? 大家都不約而同地為未來擔憂... 沮喪!

其實大家的工作及/或生意都算比上不足, 比下有餘. 有兩位的工作他日又有長糧, 且是十分可觀的. 大部份都有物業, 又有投資... 更有人有不錯家底(嗱, 咪扮唔係呀吓... 當然唔係我)... 但何解大家都那麼杞人憂天?

我提到網友前陣子介紹過的退休計算方程式(www.myretirementnumber.com), 然後解說我的數字. 不過我假設65歲退休, 又假設現在完全沒有積蓄. 好友們都異口同聲地說: 65?! 唔係呀化?! 而且我揀了"無休生活"(每月支出屬中等享樂型), 那個數字好像是$7000多. 她們都說: $7000幾?! 交完水電煤, 差餉... 請問你仲有幾多剩?! 小姐, 你好似要食high tea, 要買手袋要去旅行架呵?!

嚇呆!

然後有許多你一言我一語...

有人說, 她多年前已計算了... 要維持現有的生活質素, 退休時要有一千四百萬現金, 當然另外已有一兩幢物業... 1400萬?! 洗唔洗???? 驚嘛大家?! 呢位小姐好似做保險架噃... 數口好精...

那你回加拿大還需要那麼多現金? 那邊福利好噃? "加拿大幾貴你知唔知? 宜家睇齣戲十蚊加幣! ... 你仲要去睇戲, 睇咩電影節!" "你唔俾我第日好命屋企有個家庭影院呀?"(發緊夢!)

同時有人說打算五十多歲找份receptionist來幹, 清閒又沒有壓力. 我說: "姐姐, 人地點解要請你五張幾做receptionist呀? 我啲aunties都想囉... 你真ideal!"

然後有人說很想學做facial, 開美容院, 又荒謬地想, 即使去百佳做收銀也可以... 不過好似佢會有豐厚長糧噃, 點解要去收銀呢請問?!

接著, 我們哈哈大笑地說她不勝任百佳收銀員一職:
1. 人地好快手架! 仲要記得: "今日無膠袋日... "
2. 仲有: "呢行只收八達通同現金... "
3. 可能要搬埋貨噃
4. 企足咁多個鐘, 攰鬼死!

百佳唔得!

其實大家都工作得很辛苦... 有人說: "每日都喺度捱日子咁... 呢兩個星期好多會開... " (好似出於一位大家閨秀嘅口噃... ) "Mid-life crisis呀!"小姐說.

"俾人'兜'鬼咗嘅話都唔知點呀... "

又有人說, 不會要小孩子. "生一個, 會將你個退休年期延遲十年!" 點解?! "四百萬呀一個!" "咁有啲人覺得生仔有回報噃... 他日個仔/女養番佢... " "哼, 宜家仲有呢樣嘢? 唔會有人再咁諗架啦!" "咪係, 你啲仔女大咗, 你係咪要出錢佢結婚/買樓呀, 你實會架喎... 回報?! 回咩呀?!"

新正頭, 為什麼都那麼灰?

不過都有人精神爽利的... 有人買多一幢新樓作投資.

姊姊們, 我們是否杞人憂天了一點? 未來不是那麼壞吧... ?

不過多聽多問都好, 起碼好友提醒: 咪咁大洗呀... MPF夠三份一咋, 要有基金, 保險, 積蓄... 不過1400萬... 我至多唔去食咁多high tea囉... :(

*是夜去了銅鑼灣百樂潮州酒家, 價錢比以前昂貴了不少... 不太飽, 位位$150... 最好吃都是那碟反沙芋.

Wednesday, February 20, 2008

不喜歡...

不喜歡我的一對大小腿

不喜歡我的手臂

不喜歡每天都會發現的白頭髮

不喜歡吃多一點可以隨時一星期重四五磅

不喜歡擠完黑頭會脫皮

不喜歡越來越不可不用遮瑕膏

不喜歡一開電腦便停不了

不喜歡迷... 失

不喜歡稅局

不喜歡一陣異味的的士車廂

不喜歡手背上的青筋

不喜歡被催促

不喜歡自己無guts

Tuesday, February 19, 2008

喜歡...

喜歡擠黑頭的快感, 看著一條條的跑出來, 其實很有滿足感!

喜歡拔那些只得0.5mm的眉毛, 成功拔出的滿足感又是不能用文字表達!

喜歡掃上胭脂的臉頰, 總給人不能言喻的興奮

喜歡天氣乾燥時頭髮聽聽話話

喜歡三張幾依然當自己廿幾, 繼續學人去I.T, izzue, b+ab, D-Mop, French Connection, Diesel, Kookai, DKNY買衫, 繼續Converse屎, 繼續happy

喜歡一廂情願相信自己的直覺...

喜歡發吓癲逗阿媽笑

喜歡忽驚無神玩depress然後哭哭鬧鬧

喜歡中傷人... 有時

喜歡你 喜歡妳 喜歡你你你...

Monday, February 18, 2008

YSL Hydra Feel 日夜霜

繼上次去LC YSL counter失手之役買了一千二百多元的YSL Hydra Feel系列護膚品及其他化妝品之後, 家裡用的Clarins日霜及Ultraceuticals Ultra Moisturizer Cream都差不多用完, 於是決定入貨, 就再試這條line吧!

HYDRA FEEL Oil Free Fluid Moisturizer (SPF 15) (日間用)HYDRA FEEL Hydrating Water Creme Moisturizer (晚上用)用了數天, 效果不錯. 最重要是價錢一點也不昂貴. 兩支加起來(九折)都只是七百多. 當然塗日夜霜前都有用上次買下的那支Hydra Feel Super Hydrating Detoxifying Essence(精華). 更易上妝.

而一直還未用完的Nars Aqua Gel Hydrator(幾襟用!)依然是隔著來用, 是寶物來的!

許多人都認為, 護膚品牌要夠專, 什麼做慣時裝的品牌又攪護膚化妝產品的都不夠好, 我覺得未試過就切勿亂說. 不要忘記許多時裝界頂尖品牌的護膚品都是女士們的favorites, 不是因為名氣那麼簡單, 而是真的許多人試過都覺得好才有這麼多人追捧: Dior和YSL都是例子.

元氣外賣

唔好意思, 越唔得閒就越多無聊文出... :)

是日去咗元氣買外賣, 好耐無食元氣, 外賣更係成年無幫襯過咁滯. 原來宜家外賣俾嘅wasabi同豉油唔單只唔係一包二包, 仲俾多個紙碟仔你, 可以當醬油碟, 好方便.

買咗好多嘢食吓(對永遠on diet嘅我嚟講好多吓), 彩虹卷, 燒三文魚壽司, 加州手卷同三文魚手卷, 嚟多個三文魚頭湯, 裡面幾足料, 有件大大嚿嘅三文魚頭, 不過有少少鹹(可能我太熱氣?), 但都幾好味, $15咋!

又幾段

噚日俾人鬧... 原因係, 廁所用完廁紙唔記得放卷新嘅上去... 嘩... 不過我好多年都無一次咁噃...

"衰到吖... 用完唔換卷新嘅上去都得嘅!!!!"

=_="

公司pantry近日多了一件新產品, 其實可能已存在多時, 不過一直沒有留意, 就是這個Tefal Steam Cuisine小蒸器具. 原來同事說經常吃"叮叮"食物不健康, 所以有人提議買這個放在pantry, 看來蠻不錯. 可以去七仔買燒賣回來自己蒸, 又可以翻熱東西, 不用微波爐.

買個回家也不錯啊!

繼上次的電影海報日本版後, 今天見到幾張韓國版的, 和荷李活的分別不大:

27 Dresses:
Juno:
Rambo:
Awake:

Sunday, February 17, 2008

幾張食相

跳舞課後在舞室樓下吃了個吞拿魚碗飯... 天寒地凍, 原來即使吃不下全個飯, 數小時後便肚子打鼓作響!
另, 謎底是, 今年都有朱古力食...

Lawry's The Prime Rib









一直都想去光顧, 但卻聽到一些不太好的評語. 一次, 晚上差不多十時才去, 說快last order, 門口的職員態度有點傲慢, 所以一直都沒有試過.

那天去了晚飯, 感覺卻不錯. 吃的及服務都不錯, 我認為可以再來, 不過有人說, 一次已足夠, 因為prime rib自己也懂做喎...

不喜歡吃牛的當然比較少會考慮來光顧吧. 不過如果有人邀請你來而你又不喜歡吃牛也不用擔心, 因為還有魚可以選擇, 款式都不太少.

沒有帶相機, 只用手機拍了一兩幅.

Prime Rib有四款可供選擇: California Cut, English Cut, Lawry's Cut及Diamond Cut. 每一款都包括沙律, Yorkshire Pudding及薯蓉. 價錢算相宜, 由三百多至五百多.

揀了English Cut及Lawry's Cut. 當然Lawry's Cut較味美, 夠厚嘛. English Cut較薄. 要減肥的可選California Cut. Diamond Cut是16oz, 不是人人吃得下.

不過即使所有食物都是在人客面前即時serve, Prime Rib不夠熱騰騰. 薯蓉不夠軟(我喜歡軟棉棉的).

甜品選擇頗多, 有點驚喜. 花了一點時間, 揀了English Trifle(右上圖), 非常滿意.

地址: 銅鑼灣希慎道33號利園4樓
電話: 2907 2218
Openrice連結

Lawry's The Prime Rib official web site